🌷 भक्तिचे महापूर वाहती घरी-दारी...
कवयित्री : तिलोत्तमा विजय लेले

युगे-अठ्ठावीस तिष्ठत हा उभा
द्वारिकेचा महाराणा विठुराया...

वर्षानुवर्षे अशी सरत चालली
दर्शनाची आस आधी-अधुरी....

चंद्रभागे तीरी भक्तजन जमली
"जय हरी विठ्ठल"नामघोष करी...

ज्ञानोबा तुकाराम विठू माऊली
भक्तांवरी सदा कृपा-वर्षा करी...

तुकोबांची गाथा ज्ञानाची सरिता
दुष्ट लोकांनी ती विसर्जित केली...

ज्ञानाची मूर्ती, गहनतेची खोली
चंद्र-भागेनेही, गाथा सांभाळली...

अगाध ते ज्ञान, गाथेच्या अंतरी
सज्ञान ते करी, सकल जनांसी...

वारकरी मेळा हा चंद्रभागे-तीरी
भक्तिचे महापूर वाहती घरी-दारी...

🌷@तिलोत्तमा विजय लेले
🙏🕉️🔆