🌷 अमृताचा अखंड अविरत झरा...
कवयित्री : तिलोत्तमा विजय लेले

आई म्हणजे अमृताचा अखंड अविरत झरा
तिच्यासाठीच राखीव, एक हृदयाचा कोपरा…

जन्म देई, वात्सल्याने करी क्षण क्षण  साजरा 
तिच्यासाठीच राखीव, असा हृदयाचा कोपरा…

संकट-काळी ढाल होऊनी वाचवी ती पाखरा 
तिच्यासाठीच राखीव, असा हृदयाचा कोपरा…

जीव ओवाळूनी टाकते, आवाज होतो कापरा 
तिच्यासाठीच राखीव, असा हृदयाचा कोपरा…

सगळे गाफील असताना तिचा नजरेचा पहारा 
तिच्यासाठीच राखीव, असा हृदयाचा कोपरा…

निसर्ग कोपता पंख पसरूनी झेलते जलधारा 
तिच्यासाठीच राखीव, असा हृदयाचा कोपरा…

कधी ऊन्हाची तलखी, तर कधी वादळी-वारा
तिच्यासाठीच राखीव, असा हृदयाचा कोपरा…
 
पूर्ण विश्व जरी झाले वैरी तिचा प्रेमळ किनारा… 
तिच्यासाठीच राखीव, असा हृदयाचा कोपरा…

भवताप-झळा साहते घेऊन तळहाती निखारा
तिच्यासाठीच राखीव, असा हृदयाचा कोपरा…

जरी चहु-दिशांनी हल्ला, पिल्लांस झाकी पदरा 
तिच्याचसाठी राखीव हृदयाचा कोपरा-न्-कोपरा…

🌷@तिलोत्तमा विजय लेले
🙏🕉️🔆