🌷 प्रेमाचे भरगच्च माप...
कवयित्री : तिलोत्तमा विजय लेले

लिंपून हळव्या मनाच्याच भिंती
तरल भावना या हळुवार किती...

आपलेसे वाटणारे, जे जे काही…
असे फितूर होऊन जाते तत्क्षणी...

नंतर काळजांचे वेध घेऊनही
हाती ना गवसते कधीच काही...

आस लागते जीवाला अशी ही
हूरहुर कशी जाता जातच नाही...

उरात जखमा अदृश्य असूनही
सल त्यांचा काही थांबतच नाही...

अबोल्यातही प्रेम बसते लपूनी
पाझर फुटणे मात्र थांबत नाही...

मधाळ प्रितीचे रंग हे आभाळी
लज्जेची लाली पसरतेच गाली...

मनाच्या सात-कप्प्यात दडलेली
प्रीतीची ओढ ही लाजरी-बुजरी...

ऊन-सावलीचा खेळ तो घरोघरी
प्रेमाचे भरगच्च माप घाली पदरी...

🌷@तिलोत्तमा विजय लेले
🙏🕉️🔆