🌷 खरोखरचे सीमोल्लंघन...
कवयित्री : तिलोत्तमा विजय लेले

ॐ अपराजितायै नम: ।।🙏

नवरात्रीचं अत्यंत शुभ असं हे पर्व…
दश-दिनी हे विजयश्रीचं-पावन-पर्व…
अर्वाचिन वैदिक-विज्ञान, वेद अथर्व…
भारतीय संस्कृतिचाच यथोचित गर्व…

तुंबळ-युध्दात दुर्गाशक्तिचा दिग्विजय…
अज्ञातवासानंतर पांडवांचा पुन: जय…
रामे रावण-वध केला-लंकेचा पराजय…
दहाव्या दिवशी विजयादशमीचा-जय…

दशानन युद्ध हरला म्हणून, "दशहरा"…
नवरात्रीत देवीनेच वधिले, महिषासुरा…
विजया-दशमीला जयाचा-हर्ष सुरवरा…
शस्त्र-अस्त्र-पूजेसाठी महत्वाचा दसरा…

रामलीलेतून रावणाचं-गर्व-हरण करून,
जीवनात क्लेशांचे, पापांचे दहन करून,
पांडव लढले झाडावरील आयुधे काढून,
त्यांचे हक्क मिळविले दिग्विजयी होऊन…

नव-रात्रींच्या-तपस्येचे, पुण्य-फळ मिळते…
साधकाच्या मनातील पाप विनाश पावते…
अध्यात्मिक-ज्ञानात प्रगती दृश्यमान होते…
मन "अज्ञात-वासातून"ज्ञानाकडे झेपावते…

असत्यावर सदैव विजय होतो सत्याचा…
पांडवांनी घोर पराजय केला कौरवांचा…
अंतिम विजय नऊ-रूपात, दुर्गा-देवींचा…
लंकेशावर दिग्विजय झाला रामचंद्रांचा…

खलं-प्रवृत्तींचा केल्यावर समूळ संहार,
पराक्रमाचा-शौर्याचा सदैव जयजयकार…
नवरात्री-उपवास मग मिष्ठान्नाचा-उपहार…
नवदुर्गांचे जनतेवर कोटी-कोटी उपकार…

समाजामधे छुपे मुखवटे चढवून टपलेले,
दुष्ट-रावण, कौरव, शकुनी-मामा, दडलेले…
त्यांना हेरून, हुडकून, नेस्तनाबूत करणे,
म्हणजेच खरोखरचे सीमोल्लंघन साधणे…

🌷@तिलोत्तमा विजय लेले
🙏🕉🔆