🌷 मनाच्या साम्राज्यावर...
कवयित्री : तिलोत्तमा विजय लेले

आभाळ कवेत असता, निसटून काय गेले?
मज कांही न कळता कापरापरी प्रेम उडाले… 

सांजवेळ होता नभी सजला आनंद सोहळा
पौर्णिमा असूनही गगनी मज चंद्र ना दिसला… 

रात्रंदिवस सुखांची ही बरसात संतत असता
स्मृतींच्या रणकंदनाने का उच्छाद हा मांडला…

सारेच यथासांग असता फक्त एकान्त मजला 
प्रत्यक्ष स्वर्गातही अज्ञातवास मात्र ना संपला… 

उठबस आठवांची चालते डोळे मिटता-मिटता  
अंतरात अजुनी असा कसा कोलाहल मांडला… 

जणू बोलावते तारांगण, करते अलवार इशारा 
मनाच्या साम्राज्यावर, कोणाचा कडक पहारा… 

🌷@तिलोत्तमा विजय लेले
🙏🕉️🔆