कविता : 🌷 सार्थ-अभिमान...
कवयित्री - तिलोत्तमा विजय लेले

चैत्र शुक्ल प्रतिपदा हा शुभद-दिन
ब्रह्मदेवांच्या प्रयत्नांचा हा यशोदिन...

ब्रह्मांड-निर्मितीची सदिच्छा साकार
म्हणून या दिवसाचं महत्व असे फार...

एक अरब, सत्त्याणऊ करोड वर्ष...
चराचर-सृष्टिचा प्रथम जन्मदिवस...

हा आहे साडे-तीन मुहूर्तातील एक
याच दिवशी सुरू शालीवाहन शक...

शालीवाहन संवत्सरीय प्रथम दिवस,
हा गुढीपाडवा-सणाचा-मंगल-दिवस...

गुढी म्हणजेच विजय-ध्वजा-पताका...
रावणवधानंतर राम येण्याची घटिका... 

या दिवशी प्रवेशला अयोध्यानगरीला
विजयोत्सवाने-सणाने हर्ष व्यक्त केला...

सर्जनाने मिळणारी महत्त्वपूर्ण ऊर्जा
तिला निगडित असा, सण-पाडव्याचा...

विजय-आनंदाचं प्रतिक आहे हा सण
नूतन-वर्ष-स्वागत व उल्हासाचं चिन्हं...

शुभ-घडीचं शुभ-मंगलतेचं हेच प्रतिक...
उभारलेली गुढी, हळद-कुुंकू, स्वस्तिक...

थंडी संपून, वसंत ॠतुचं होतं, आगमन...
चराचरातील पशु-पक्ष्यांचं हर्षाने-गायन...

यातच नवीन पंचांग-वाचनाचा समावेश...
"श्रवण-फल "करून पुण्य-लाभ-विशेष...

या मंगलदिनी, शुभद-कार्ये आरंभ करावी,
गरजूंना सढळहस्ते गुप्तपणे मदत करावी

कडुलिंबाच्या पानांच्या चटणी-सेवनामुळे
शरिर-सज्ज, रोगप्रतिकारक शक्ती वाढते...

आपल्या पूर्वजांचे हे विचार-पूर्वक चिंतन
सण-वार, रिती-भाती व रूढींचे आयोजन

मानवी जीवनासाठी कल्याणकारक-ज्ञान,
याचा प्रत्यय येऊन वाटतो सार्थ-अभिमान

🌷@तिलोत्तमा विजय लेले
🙏🕉️🔆