कविता – बालगीत 🌷 ‘ ओळखा पाहू ‘
कवयित्री – तिलोत्तमा विजय लेले
तारिख – रविवार, २१ जानेवारी २०२४
वेळ – दुपारी १ वाजून ५३ मि.
बगिच्यात, आभाळात उधळतात सप्त रंग …
बघता क्षणीच पकडायला सगळे होती दंग
फुला-फुलांचे रंग लेवून मनमोहक दिसतात …
लहान मोठ्या सगळ्यांनाच सतत लुभावतात
आवाज न करताच ते गुपचुप येऊन बसतात …
मध शोषून झाला की सुमडीत पसार होतात
एवढे लहानसे असूनही सर्वांना वेड लावतात
वेड्यासारखे सारे त्यांच्या पाठीमागे धावतात …
किती पाठलाग केला तरी नक्की बगल देतात …
हातावर तुरी देऊन ते बघता-बघता सटकतात
ओळखा पाहू कोण आहेत, जे असं करतात ?
आकर्षक सुंदर मोहक दिसून सदा मोहवतात …
🌷@तिलोत्तमा विजय लेले
🙏🕉️🔆
