कविता : 🌷 " नेत्रांतून गूढ उकलते... "
कवयित्री : तिलोत्तमा विजय लेले

कितीही मुखवटे चढविले 
होणारे तरी होतंच असते...
अंतरी प्रेमभाव जे लपले,
डोळ्यांतून ओसंडून वाहते...

भर चांदण्यात फिरताना,
नजरेचे स्पर्श ओझरते...
चंद्राची शितल किरणे...
ओठांवर अस्फुट गीते...

पावसाची चाहूल लागून,
अधीर अतृप्त धरा जी,
कुशीतल्या इवल्या बीजी,
लपवी नवथर इवली पाती... 

जे हृदयी खोल दडलेले... 
ओठांवर येऊनी थिजते...
सगळेच नकळत घडते...
परि नेत्रांतून गूढ उकलते...

🌷@तिलोत्तमा विजय लेले
🙏🕉️🔆