कविता : बालगीत 🌷' चिव-चिव '
कवयित्री : तिलोत्तमा विजय लेले

चिमणा-चिमणा असूनही जीव,
सतत करतात, चिव-चिव-चीव ...

चोचीत पकडून काडी-न्-काडी,
ऊबदार-असं-घरटं, बनवून सोडी ...

नवजात पिल्लं घरट्यात राहून,
वाट बघती त्यांची, 'आ' वासून !

चिऊताईच्या इवल्याशा जीवनात,
विवंचनेला थाराच नाही, कामात ...

रात्रंदिवस कष्ट उपसती आनंदानं ...
पण नाहीच माहीत, त्यांना थकणं ...

चोची मधून आणतात दाणा-पाणी,
पिल्लांना भरवतात चिमणा-चिमणी ...

आयुष्य मोठं असो वा असो लहान,
प्रत्येक क्षण-न्-क्षण आहे मौल्यवान ...

🌷@तिलोत्तमा विजय लेले
🙏🕉️🔆