🌷 देवीचं कुमारी स्वरूप...महागौरी 
कवयित्री : तिलोत्तमा विजय लेले

देवी दुर्गेनेच हा अष्टम्-अवतार घेतला,
कोवळी, सुन्दर आठ वर्षांची ती बाला…
घोर तपाने तिचा मूळ गौर वर्ण लपला
निष्पाप कोमल-अशी-सुकुमार-बाला...

गंगा-स्नान करून मूळची गौर-कांती
जणू तेजस्वी बिजली-सम, चमकती…
'महागौरी'नाव-तिचे, स्वच्छ-गौर-वर्ण
नंदीवर आरूढ तेज:पुंज, जणू सुवर्ण...

अलौकिक ज्ञान-अनुभूती, ध्यानामुळे
श्रद्धा-विश्वास-निष्ठाच वाढते त्यामुळे…
योग्य मार्गदर्शन देवीचे मिळाल्यामुळे,
जीवन सुखकर होऊन तृप्तीही-मिळे...

भारतीय परंपरेत, पूजा कुमारिकेची
पूजा देवीच्या या कुमारी-स्वरूपाची…
देवीस आवड, गीत-संगीत, काव्याची
त्या विना राहील पूजा अपूर्ण, देवीची...

कितीही येवोत संकटे-दुःख अन् कष्ट
महागौरी करी रक्षा करुन शत्रुत्व नष्ट
नाश करूनी व्याधी-जरा-रोग, दुष्टत्व…
हाकेला त्वरित येऊन संपवीते अरिष्टं...

🌷@तिलोत्तमा विजय लेले
🙏 🕉🔆