🌷आयुष्यात पुन्हा रंग भरले…
कवयित्री : तिलोत्तमा विजय लेले

बघ्यासारखे बघतच बसतां…
मनही दूर दूर भरकटत गेले
फिरून कधी ते नाही रमले…

देवळा-समोरुन जात असता…
कितीक जणांनी हात जोडले
गढूळ मनाला ते नाही जमले…

कळत-नकळतच ओघ सरता…
हळुहळु मन विरक्त होत गेले
भावशून्य मनास नाही कळले…

बिन-बोभाटपणे चालत असता…
रात्रं-दिवसाचे तेच रहाट-गाडगे
को-या डोळ्यांत तरंग ना उठले…

जीवनामध्ये जंग-जंग पछाडताना…
गीताचे सूर अलगद जुळतच गेले
निरामय आयुष्यात पुन्हा रंग भरले…

🌷@तिलोत्तमा विजय लेले
🙏🕉️🔆