🌷कैलाश दिसे मज प्रतिबिंबात...
कवयित्री : तिलोत्तमा विजय लेले

स्वप्नांचा असा सुगंधी प्रवास 
वाटतो हवा हवासाच मनास...

रवि-किरणांनी कळस गाठला 
निसर्ग-देवतेचा कंठही दाटला 

नक्षीदार कुरळ्या लहरीं संगत 
पोहतात राजहंस-युगुल संयत...

मानसीचा खेळ मानसरोवरात
लपंडाव खेळती भास-आभास...

पौर्णिमेच्या रात्री चंद्रमा नभात 
मानसरोवरी शिवशक्तिचा वास... 

हेच सत्य की संपूर्ण आभास 
हवा हवासा पण वाटे मनास...

निळ्या-निळ्या शितल जळात
कैलाश दिसे मज प्रतिबिंबात...

🌷@तिलोत्तमा विजय लेले
🙏🕉️🔆