कविता :🌷 दिवस असे...
कवयित्री : तिलोत्तमा विजय लेले

अथांग आनंदाचा घन, सदा पाझरतो
उरी आठवणींचा गहिंवर फणा काढतो...

मनात धडधड पाऊल पडते अधांतरी 
आज अचानक उचकी लागे वरचेवरी...

साद घालीत सागरा नदी थेट निघाली, 
जणू साथ दोघांची जन्म-जन्मांतरीची...

मध्ये डोंगर द-याखोरे तुडवीत चालली,
तमा न तिजला दरियावीण कोणाचीही 

स्वप्न-पंखी दिवस असेच होते मंतरलेले... 
प्रीत-वेडे दिवस अधीर मनातील हिंदोळे...

स्पर्श-वेडे दिवस असे होतेच मोहरलेले 
गीत-वेडे दिवस स्वरताल-लयीत नटलेले...

प्रेम-वेडे दिवस, असेच होते आसुसलेले 
दश-दिशांवर स्वार होऊन, सुसाट सुटले...

नेत्र उघडता स्वप्न सरले, मनही थिजले...
क्षणभंगुर आयुष्यात पुन्हा एकदा रमले...

🌷@तिलोत्तमा विजय लेले
🙏🕉️🔆