🌷फसगत...
कवयित्री : तिलोत्तमा विजय लेले

झोपेत, जागेपणी, स्वप्नी, फक्त एक ध्यास
सुखद समाधानाच्या मृगजळाच्या शोधात...

ध्यानी-मनी जर अंधाराचे जाळेच जमलेले
अडगळीच्या अंधाराशी साटे-लोटे ठरलेले...

व्यथा कायम जळत राहते, अंतरी भूगर्भात
व्यर्थच वाहतात अश्रु मनामधल्या सागरात...

फसव्या मुखवट्यांच्या आतमधील जे चेहरे,
भयानक अन् विद्रुप जितके ते बाह्यतः हसरे

खोट्या दिखाव्याच्या पाठीच आयुष्यभरात,
दमछाक होईपर्यंत ते फक्त धावतच राहतात

दु:ख आडोश्याला जाताच, उजेडाशी नातें...
क्षितीजाच्याजवळ जाता ते दूर-दूरच जाते...

हे फसवे क्षितीज हे मृगजळा-सारखे जगत्
मृगतृष्णे-समान सदाचीच ठरलेली फसगत...

🌷@तिलोत्तमा विजय लेले
🙏🕉️🔆