🌷ते क्षण सुवर्ण-कण झाले...
कवयित्री : तिलोत्तमा विजय लेले

टवटवीत फुलांसाठी,
कां जीव होई वेडापिसा...
धावच घेईल अंगणी,
जिथे पडे फुलांचा सडा...

मनसोक्त रिते झाल्यावरी,
झाड होई मोकळे-ढाकळे...
वा-यावरती घेत लकेरी,
मन-पक्षी घेतसे हिंदोळे...

ओंजळीत भरभरून फुले,
शिव-पिंडीवर करता अर्पण...
काबीज प्रत्येक फुलाचे,
धडधडत्या बिंबात दर्पण...

हे जीवन मृगजळामागे,
धावता-धावता फुलले...
क्षणभंगुर आयुष्यामधले,
ते क्षण सुवर्ण-कण झाले...

🌷@तिलोत्तमा विजय लेले
🙏🕉️🔆