🌷"टाईम-प्लीज"…
कवयित्री : तिलोत्तमा विजय लेले

मोठं होऊन मागं वळून पाहिलं की सदा जाणवतं,
किती गमती-जमतींनी समृद्ध असं बालपण होतं…
बघता बघता आयुष्यही कापरासारखं उडू लागतं…

लहानपणी जसं आपणास "टाईम-प्लीज" म्हणंत,
खेळातून बाहेर, अभ्यासादी उरकून येताही यायचं…
अन् नव्यानं पुन्हा तोच डाव सावरायला मिळायचं…

तसं जर आयुष्यातही "टाईम-प्लीज" करता येईल,
तर होऊ शकेल होत्याचं नव्हतं वा नव्हत्याचं होतं…
अन् मग भविष्याचं दृश्य फार फार वेगळंच होईल…

तरूणाईच्या कैफातही परिपक्वतेचं ज्ञान जर असतं,
तर भिजत पडलेल्या घोंगड्या झाल्या असत्या गायब
खरंतर हेच असतं जीवनाचं वळंण बदलण्याचं कसब

🌷@तिलोत्तमा विजय लेले
🙏🕉️🔆