🌷 थांग...
कवयित्री : तिलोत्तमा विजय लेले

अगदी लहान होते तेव्हाच, एक छंद होता जडला…
एकदम खूष होई मिळाली जर पुस्तकं वाचायला…
 
मोठी होता होता त्यात अजून एक गोष्ट भर पडली 
जमेल तेव्हा, जमतील तशी माणसंच वाचू लागली…
 
पुस्तकं बिचारी निर्जीव, वाचून होतात हातावेगळी 
माणसं म्हणजे सजीव प्राणी, नव-नवीन प्रवृत्तींची…
 
प्रत्येक वेळेस नवेकोरे कंगोरे, नव्याने अनुभवायला 
त्यांच्या कळत-नकळत, सहजच मिळत वाचायला…
 
खर्च म्हणावा तर शून्य, खिशाला तोशिशही न देता…
एकदम कंटाळा येई-पर्यंतही खुश्शाल वाचू शकता…
 
माणसांचे प्रकार तर इतके की थकून जाईल यादी,
माणसं मात्र संपणार नाहीत भिन्न-भिन्न स्वभावांची…

वाचूनच समजतं की प्रत्येक माणूस, हिमनग असतो, 
बाहेरुन दिसतो, त्यापेक्षा आतमध्येच अधिक असतो.

पुस्तकांचं वेष्टण पाहून ब-यापैकी कल्पना येणे शक्य,
माणसाला पाहून थांग लावणे, मात्र अगदीच अशक्य.

🌷@तिलोत्तमा विजय लेले
🙏🕉️🔆