🌷मेंदी रंगली...
कवयित्री : तिलोत्तमा विजय लेले

रात्र अशी ही चंद्राळलेली,
दिशा-दिशांत आसुसलेली...

चांदण्यांच्या गूढ-हास्यातही,
प्रीत-भावना जणू दडलेली...

थेंब नाचरे भाव पानोपानी,
लपून छपून असे डोकावती...

नाद-अनाहत तो रुणझुणतो,
मूकपणातली व्यथा सांगतो...

किंचित उमलली कळी-कळी,
गोड गुलाबी, लज्जित झाली...

आकाशीचा निखळला तारा,
सुंदरसा नितळ भाव लाजरा...

दोन-हातांवरती गंधित ओली, 
शुभ-शकुनाची ही मेंदी रंगली...

🌷@तिलोत्तमा विजय लेले
🙏🕉️🔆