🌷जन्मभराची-साथ…
कवयित्री : तिलोत्तमा विजय लेले

ती जणू बरसणारी बरसात…
तो आहे सावळाच मेघनाद…

ती रात-राणीचा घमघमाट…
तो स्वप्नील असा आशावाद…

तो सुगंधी प्राजक्ताचा सडा...
ती सर्वां डोलविणारा केवडा...

ती मनमोहक श्रुती-न्-श्रुती…
तो मन-पसंत काव्य-पंक्ती…

हळवे सूर ती अलगद छेडिता…
तो स्वर-झंकारतो मनांतरीचा…

ओल्या मातीचा गंध ती होता…
तो अंकुर इवला तृण-पातीचा…

ती अतिकोमल अनमोल साज…
तो कणखर, प्रेमळ, अधिराज…

तो तुफानी वा-याचा झंझावात…
ती संतत तेवणारी, सांज-वात…

तो गुंफतो तिच्या हातात-हात…
त्या दोघांची जन्मभराची-साथ…

🌷@तिलोत्तमा विजय लेले
🙏🕉️🔆