🌷 त्यांनी इतिहास असा रचला...
कवयित्री : तिलोत्तमा विजय लेले

देह बंदीवान तरी दुर्दम्य इच्छा-शक्तीचा वरद-हस्त,
मैलोनमैल दूर किनारा, उत्तुंग देश-भक्ती-जबरदस्त…

ज्यांनी मासेर्लिस बंदरात इतिहास असा घडविला,
तो भारतीय शूर स्वातंत्र्य-सेनानी हातोहात सटकला…

रात्रीच्या मिट्ट काळोखात बर्फाळ थंडगार पाण्यात,
भरतभूच्या-सुपुत्राने लोह-बेड्या तोडल्या झटक्यात…

शौर्याचा तो सम्राट, मनोबलाने अति समर्थ खंबीर…
शरिर बंदी असूनही कणखरपणाने तोडली जंजीर…

कडाक्याची थंडी, झोंबणारा वारा, जायबंदी शरीर…
मातृभूमीच्या संरक्षणार्थ घेऊन तळहाता-वरती शिर…

मार्से किनारा गाठण्यासाठी अति प्रचंड होतं अंतर,
विजेच्या वेगानेच पार केलं, पोहत सपासप निरंतर…

योजल्याप्रमाणे इच्छा-शक्ती सर्वतो लावून पणाला,
पोहत-पोहत थेट फ्रेंच-किना-यास वेळीच पोहोचला…

तब्बल ११५ वर्षांपूर्वी जीवाची-जराही-पर्वा-न-करता,
न-भूतो-न-भविष्यति असा महापराक्रम त्यांनीच केला

त्यांच्या नुसत्या स्मरणाने छाती अभिमानाने फुलून येते
डोळे भरुन वाहतात व नखशिखांत शारिरीक ऊर्जा येते

स्वा. सावरकरांचा ज्वलंत देशाभिमान, जगात गाजला
स्वातंत्र्यासाठीचा हा-प्रखर-लढा, विश्वभरात दुमदुमला

🌷@तिलोत्तमा विजय लेले
🙏🕉️🔆