कविता : 🌷 " दिल्याने होत आहे रे "
कवयित्री : तिलोत्तमा विजय लेले

एखादी सत्य-घटना, मनाला चटकाच लावून जाते,
जाता-जाता ती जगण्याचा कानमंत्र ही देऊन जाते

कोणावर कोणती वेळ कधी येईल, सांगणं कठीण
पण अशा वेळीं महत्त्वाचं, मदतीचा हात पुढे करणं

हे ज्याला जमलं, त्याचा भाग्योदय होणार हे नक्की
पण तरीही सहसा असं वागणं, सर्वांना जमत नाही

दिल्याने देणा-यास आंतरिक-समाधानाची-प्राप्ती होते
ज्यास योग्य वेळी मदत मिळाली, मनात कृतज्ञता येते

अन्य गरजूंना वेळेवर मदत देण्याची, उत्सुकता वाढते
अन् मग मदतीची-साखळी, अव्याहतपणे सुरुच राहते

निरपेक्ष भावनेने केलेलें सहाय्य, फारच अनमोल दुर्मिळ
ईश्वरचरणी-मान्य पुण्यकर्म-ते, न कधी पडो यात खीळ

'केल्याने होत आहे रे आधी केलेचि पाहिजे’-हा जो मंत्र, 
’दिल्याने होत आहे रे आधी दिलेचि पाहिजे’ हा कानमंत्र 

यथा-बुध्दि, यथा-शक्ती, असहाय्य व्यक्तिस हातभार
हा सृष्टी-प्राणी यांच्यातील सजीव-देवत्वाला नमस्कार

🌷@तिलोत्तमा विजय लेले
🙏🕉️🔆