कविता : 🌷 " हृद्गत... "
कवयित्री : तिलोत्तमा विजय लेले

हृदयाच्या स्पंदनात...
बाळ ज्ञानेश्वर तयात...
गीतेमधील दिव्य-ज्ञान...
आणिले मराठी भाषेत...

चंद्रभागेच्या पाण्यात,
गाथा, तरंगत राहिली...
अजरामर अशी वाणी, 
भक्तिरसातच भिजली...

जनी नामयाची अति दंग... 
भक्तिरसपूर्ण सारे अभंग... 
विठ्ठाई स्वतः कामात गुंग...
भक्तिमय हा दिव्य सुगंध... 

भक्ति आणि शौर्यगाथा, 
नीति अन् शिस्तबध्दता...
दासबोध, मनाचे श्लोक...
व्यवहारात सदा रोखठोक...

समर्थाचिया जो वक्र पाहें,
सर्व भूमंडळी कोण आहे ?
स्वराज्य स्थापनेमध्ये कार्य, 
दर मठा-मठामधून सत्कार्य...

सा-या मावळ्यांना संगठिले...
गडाच्या मागून गड जिंकिले...
त्यांवर भगवे झेंडे फडकविले...
स्मरण-मात्रे, मन वेडे उचंबळे...

संत गोरा कुंभार, चोखामेळा... 
एकनाथ अन् संत गोतावळा... 
निवृत्ती, सोपान अन् मुक्ताबाई... 
अवघी पंढरी संतांची विठाबाई...

🌷@तिलोत्तमा विजय लेले 
🙏🕉️🔆