🌷 स्पर्शातूनी संजीवनी...
कवयित्री : तिलोत्तमा विजय लेले

चहूकडे पहुडलेली शांत तटबंदी...
घायाळ ती हरिणी, मनोहर कांती... 
टाहो फोडणारी दृष्टी भिरभिरती...
पाडसा शोधी जिवाच्या आकांती...

धावून-धावून ठेचकाळून पडलेले...
कोवळे पाडस ते दमले-भागलेले...
तृणपातींचे-कोंब ते कोवळे इवले...
दमल्या-शिणल्या जीवास, रक्षिले...

वितळलेल्या ता-यांच्या त्या प्रहरी,
मातृप्रेमाला जणूकाही भरती आली... 
केविलवाणे पाडस ते मलूल-जखमी,
ओंजारी-गोंजारी पाडसाला तत्क्षणीं... 

मुके जीव ते पण भावनांच बोलकी... 
स्पर्शातूनी पाडसास दिली संजीवनी...
सर्व बळ एकवटूनच घेतले उचलूनी, 
दबकत दबकत मग गेली ती हरिणी... 
 
🌷@तिलोत्तमा विजय लेले
🙏🕉️🔆