🌷 अष्टौ-सिध्दी-दात्री देवी...
कवयित्री : तिलोत्तमा विजय लेले

ॐ देवी सिद्धिदात्र्यै नमः। ॐ ह्रीं क्लीं ऐं सिद्धये नम:।।
भवतु भुवन माता संत्ततम सिद्धिदात्री नमो नम:।।

एकूण-सर्वच देवी-स्वरूपांच्या-गुणांचा,
समावेश एकवटूनच, हा जन्म देवीचा…
सिंह-वाहीनी, प्रसन्न-वदना असे देवी
शुभ्र-वस्त्र प्रिय तिज, रूपाने तेजस्वी...

अष्टौ-सिद्धींचं उगम-स्थानच आहे ती…
उपासकांवर प्रसन्न ही सिद्धी-दात्री देवी…
आरंभी आदि-पराशक्ति-निराकार होती
रुद्राने मनोभावे, आराधना केली तिची...

देवीने, अष्टौ-सिद्धी दान केल्या रुद्रासी…
त्यामुळे शिवाच्या वाम-अंगी प्रकटे देवी…
पृथ्वी-तलावर या स्वरूपातील ते "ईश्वर"
म्हणूनच शिव झाले, "अर्ध-नारी-नटेश्वर"…

उजवं शिव-शरिर, डावं-शरिर-शक्तिचं…
सिद्धीदात्री उगमस्थान, सर्वच-सिद्धिंचं…
सिद्धीदात्री-माता हेच, अंतिम-स्वरूप
लोप पावती अडी-अडचणी आपसूक...

सिद्धीदात्री देवी कमळामध्ये विराजमान
डाव्या हातात कमळ, शंख शोभे छान…
चार हात तिला, उजव्या हाती सुदर्शन
उजव्या हाती गदा, वनराज-असे-वाहन...

एक प्रकारचं सामर्थ्य म्हणजे "सिद्धी"…
दात्री म्हणजे विशेष दान देणारी देवी…
अनिमा, महिमा, गरीमा, लघिमा आदि
सिद्धी-दाती-देवी म्हणूनच "सिद्धीदात्री"…

चुका झाल्यानंतरही केल्यास, पश्चात्ताप
माफ करते देवी, साधकांचे उपद्-व्याप… 
श्रीदेवी सिद्धी देई, कृपा करी भक्तांवरी...
देते, दिव्य-दृष्टि, जागृत सुषुप्त-अंतर्शक्ति... 

🌷@तिलोत्तमा विजय लेले
🙏🕉🔆