कविता : 🌷 " ग्वाही "
कवयित्री : तिलोत्तमा विजय लेले

मन-मोहक रंग-सुगंध फुला-फुलांचे...
ओढ लावून, होई-तन-मन वेडे-पिसे...

ऊन्ह-पावसाच्या रम्य लपंडावामध्ये,
आकाशी इंद्र-धनुष्य हळूच झळकते...

समुद्राच्या सुर-ताल-बद्ध लाटांवरती...
मन काठोकाठ आकंठ, देईल ग्वाही...

पर्वतांच्या गगन-चुंबी उंच शिखरांवर...
स्वच्छ, शुभ्र, हिम-वर्षा होईल झरझर...

सागर-मिलन-ओढीनेच, आतुर होऊन...
दरेक नदी धावत-सुटते, झोकून देऊन...

भ्रमराच्या आगमनाची मिळता ग्वाही,
उमलू लागते, प्रत्येकच कळी-न्-कळी...

क्षणा-क्षणाला हृदयास जो स्पर्शून जातो,
निसर्ग-देवतेचा अस्फुटसा हुंकार असतो...

🌷@तिलोत्तमा विजय लेले
🙏🕉️🔆