कविता – 🌷 ‘ साक्ष ‘
कवयित्री – तिलोत्तमा विजय लेले
तारिख – २७ जानेवारी २०२४
वेळ – ११ वाजून ५५ मि.
श्रीनटवर निरंजन नंदलाल हा नटला …
थेट हृदयीच, लबाड जाऊनी बसला …
सिंहासनस्थ श्रीरंग नाद-निनाद करी …
अष्टौ-सिद्धी वीणा-वादने, साथ करी …
ओठी वेणू विराजित, स्वर-झंकार करी …
मंत्रमुग्ध होत गोधेनु, दुग्ध-पान्हा सोडी …
गोप-गोपी घडे घेऊन जाती यमुनातीरी …
रम्य-सांजवेळ-अवतरले सांजरंग भूवरी …
हिरव्या-वनांतरी घन-दाट हिरवी झाडी …
राधासवे कान्हा, अलगद खोड्या काढी …
नभी टिपूर चांदणं, चंद्रही चम-चम करत …
झुळुझुळु वाही यमुना-जळ मूक साक्ष देत …
🌷@तिलोत्तमा विजय लेले
🙏🕉️🔆
Leave a Reply