कविता – 🌷 “निरागस-जीव, इवले-इवले”
कवयित्री – तिलोत्तमा विजय लेले
तारिख – गुरुवार, १८ मे २०१७
वाढदिवसाचा तो पूर्ण दिवसच अमितने,
व्यवस्थित आखणी करून, सुंदररितीने …
साग्रसंगीत साजरा केला होता हिरीरीने …
फारसा गवगवा नाही, उगीचचं स्तोमही नाही …
एक अत्याधुनिक छानसा फोन
त्याने तिला आधीपासून देऊन,
तिच्या आवडीचे खास हेडफोन्स
असं बरंचसं काही आणलं होतं …
अलास्का-टूरसाठी जास्त ऊबदार,
खास बनावटीच्या थर्मल्सची भैट,
ही तर अफलातून कल्पना त्याचीच …
सरते शेवटी, रेड-वाईनची बॉटल
तोहफेपर “तोहफा” चौफेर भडीमार …
अख्खा दिवसच भुर्रकन् उडून गेला …
तिकडे राहूलने “संपूर्ण वॉर्डरोब नवा,
एकही ड्रेस चालणार नाही जुन्यातला” …
असं निक्षून सांगितलेलं होतं तिला …
“मदर्स डे”ला, लेकरांच्या प्रेमामुळे
तिला अतिशय भरून आलं होतं
तिचं अंतर-मन नितांत सुखावलं …
आई होण्यातलं खरं सुख गवसलं …
नऊ महिने ओटीपोटी, असलेले,
दोन निरागस-जीव, इवले-इवले …
कधी एव्हढे मोठे, जाणते झाले,
तिला बिल्कुल नाही कधी कळले …
🌷@तिलोत्तमा विजय लेले
🙏🕉️🔆
Leave a Reply