कवयित्री : तिलोत्तमा विजय लेले
तारिख : २९ जून २०२३
वेळ : १० वाजून ४३ मि.
ज्याचं चित्त निर्मळ-पावन
त्यास दर्शन देईल दयाघन !
ज्या मनी नाहीच किल्मिश
त्या हृदयी वसतो जगदीश !
भुकेल्या-जीवा जे देती घास
त्यांच्या नशिबी अन्न-सुग्रास
दीन-जनां देती मदतीचा हात,
येईल त्यांच्यासाठी जगन्नाथ !
रात्रं-दिन जे गाळतील घाम,
तेच भक्त पावतील निजधाम !
दुर्बल-जनांची जे ठेविती जाण,
त्रिदेव रक्षिती त्यांचे पंच-प्राण !
स्वार्थ सोडून, परोपकार करी
त्यांच्या-पाठीशी सदैव श्रीहरी
किर्ती-धन-सुख, नसे ज्या खंत
त्या साठी सर्वत्र, उभा भगवंत !
ज्यांनी भक्ति-मार्ग चोखाळला
त्यांचा मुक्ति-पथ सुकर झाला !
जो आहे जळी-स्थळी-पाषाणी
स्वर्ग-पृथ्वी-पाताळी, चक्रपाणी !
भूमी-जल-व्योम व्यापून टाकी
म्हणूनच त्या म्हणती सर्वव्यापी !
मत्स्य-कूर्म-वराहादी दशावतार
खांबातून प्रकटला नृसिंहावतार !
‘वाल्या’सारखा जो डाकू अट्टलं,
नामस्मरणजपे भेटे त्यास विठ्ठल !
सुख-दु:ख-मोह-माया-देह, नश्वर
नखशिखान्त-संवेदना आहे ‘ईश्वर’ !
@तिलोत्तमा विजय लेले
🙏🕉️🔆
