🌷पाकळ्यांचे शब्द होती...
कवयित्री : तिलोत्तमा विजय लेले

मंद-गंध वेडावतो…
फूल-फूल उमलताना

पाकळ्यांचे शब्द होती
तू समीप असताना…

येई भरून आभाळ
तू दूर देशी असताना…

चाहूल तव लागली…
लक्ष-दीप उजळताना

झुळुक स्पर्शता गाली
गात्र-गात्र मोहरताना…

गुणगुणतो सूर कानी
वेणू-नाद ऐकताना…

काहूर उठते मनी…
सांज-रंग अवतरताना

गाती रिमझिम सरी…
वेळी-अवेळी बरसताना

गोड गुलाबी थंडी…
भल्या पहाटे फिरताना

क्षण क्षण ओघळती
आठवणीत रमताना…

शब्दांना पंख फुटती…
तुझ्या-समवेत जगताना

🌷@तिलोत्तमा विजय लेले
🙏🕉️🔆