🌷अवघा काळोख श्रीकृष्ण झाला...
कवयित्री : तिलोत्तमा विजय लेले

यमुनेच्या तीरावरी, रास रंगला... 
मनामनात कृष्णनाद दुमदुमला…
अवघा परिसर कृष्णमय झाला... 

सृष्टीचा कण-न्-कण अंकुरला,
वसंत-रूपे चरा-चरात बहरला... 
संपूर्ण ऋतू कृष्ण-सखा झाला... 

भूवरी जणू स्वर्गच अवतरला,
कोकीळ-कंठी सुस्वर फुटला...
नादब्रह्मातून कृष्ण निनादला...
 
आमराईतून मोहोर घमघमला, 
नभी पक्षांचा थवा चिवचिवला...
सजीव-सृष्टी-रूपे कृष्ण हसला...

ढगांच्या आडून चंद्र डोकावला, 
जल-लहरींवर कवडसा पडला... 
रजनीनाथ अवघा कृष्ण झाला... 

भेटण्या वासरां कळप निघाला, 
घुंगरूंच्या तालात सुसाट सुटला…
अवघा काळोख श्रीकृष्ण झाला... 

🌷@तिलोत्तमा विजय लेले
🙏🕉️🔆