🌷 अभूतपूर्व सोहळा... 
कवयित्री : तिलोत्तमा विजय लेले

खुल्या अथांग अशा आभाळातूनी,
कधीतरी ऐकू येती नक्षत्रांची गाणी...

सळसळत्या हिरव्याशा वनराईतूनी,
स्वच्छंदपणे साद घातली पाखरांनी...

तिन्हीसांजेला घुंगरांच्या नादामधूनी, 
वासरांना धाडती संदेश गाई हंबरोनी...

पावसाच्या जलथेंबांपासून पक्षिणी, 
पिल्लांना रक्षिती पंख उंच पसरूनी...

वात्सल्याचा-जिव्हाळा लावीतो लळा... 
मातृ-पितृ-प्रेमाचाच अभूतपूर्व सोहळा... 

🌷@तिलोत्तमा विजय लेले
🙏🕉️🔆