🌷 पाऊस सुखाचा पडतो...
कवयित्री : तिलोत्तमा विजय लेले

मन उगा भरून येता...
डोळ्यांत तरळते पाणी... 
तरी नजर शोधत राहते, 
हळव्या त्यां आठवणी... 

पाऊस सुखाचा पडतो...
स्मृतींचा झूलाही झुलतो... 
तरी मनाच्या अथांग नभी, 
वळचणीला उभा असतो...

दिशांनी गाशा गुंडाळला... 
काळोख मोकळा झाला...
साम्राज्य पसरवू लागला, 
चांदण्यात चंद्रही खुलला... 

क्षणा-क्षणाचे भाग्य निराळे... 
गूढ संकेत देखील मिळाले,
मूढ-मतिस काही न आकळे...
जणू नेत्र असूनही ते आंधळे... 

🌷@तिलोत्तमा विजय लेले
🙏🕉️🔆