🌷 प्रतिबिंब तुझेच हसते...
कवयित्री : तिलोत्तमा विजय लेले

जरी सरता सरले सारे...
तरी मनात हसती तारे...
सागरतीरी सुटले वारे
अंग-अंगी उठत शहारे...

परि सरता सरत नाही...
चांदणे तुझ्या हसण्याचे...
संपले तरीही संपत नाही
अप्रूप तुझ्या असण्याचे...

जरी सरले उरातच उरले...
ते हळुवार स्पर्श हृदयीचे...
जरी सरले, कोरले गेले...
शब्द शब्द तुझ्या मनीचे...

ना सरले किंचितही काही...
हे चांदणे तुझ्याच स्मृतींचे... 
या चंद्राळलेल्या गगनी, 
प्रतिबिंब तुझेच हसते...
प्रतिबिंब तुझेच हसते...

🌷@तिलोत्तमा विजय लेले
🙏🕉️🔆