कविता : 🌷 मृदू भावना निथळल्या...
कवयित्री : तिलोत्तमा विजय लेले

ओंजळीतील त्या पाकळ्या…
जणू मृदू भावना निथळल्या…

पापण्याही अलगद मिटल्या…
स्वप्नामधील स्वप्नात रमल्या…

मुरलीच्या हाकेने बावरल्या…
सप्तसुरांतच चिंब-भिजल्या…

जणू बंधनात विरघळलेल्या…
चंद्रकोरीत नजरा खिळल्या…

नेत्रांतून बरसाती झरझरल्या…
जणू निशिगंधात विसावल्या…

शारद चांदण्याराती जुळल्या…
मृदूल भावना त्या निथळल्या…

नव-पालवीसमवेत निजल्या…
कळ्या-फुलांनाही उमजल्या…

🌷@तिलोत्तमा विजय लेले
🙏🕉️🔆