कविता :🌷 खुणगाठ...
कवयित्री : तिलोत्तमा विजय लेले

(चाल : जेव्हा तिची नि माझी, चोरून भेट झाली)

जेव्हा तिची नि त्याची
नजरा-नजर झाली...
तारेस तार भिडली,
जणू दामिनी चमकली...

भाग्यातल्या खुणांची
खुणगाठ जेव्हा पटली,
हृदयात हलकी-हलकी
स्पंदने हळूच उमटली...
स्वप्नात भेटण्याची,
मूक वचने उमजली...

हातातल्या क्षणांना,
ओझरता स्पर्श होता...
सुखावल्या जीवांना,
आधार चांदण्यांचा...
चाहूल साजणाची,
अन् गाली चढे गं लाली...

दोघे असूनी तेव्हा,
एकरूप रंग झाले...
बरसून मेघ सारे,
शांत सर्व, शांत झाले...
ओठातल्या सुरांची,
अगणित फुले उमलली...

🌷@तिलोत्तमा विजय लेले
🙏🕉️🔆