कविता : 🌷 " मिटल्या नयनीं "
कवयित्री : तिलोत्तमा विजय लेले

स्वप्न प्रितीचे राधिका पाहते मनी,
भर दिवसा, मिटल्या दो नयनांनी...

मूर्तिमंत छबीच जणू ती साकारली... 
जरी प्रेमापोटी पुरती झाली आंधळी... 

ती मूर्ती अति देखणी गोजिरवाणी 
उमलली पाकळी-न्-पाकळी झणी...

तो निशिगंध नसानसात भिनलेली, 
ती रात्र पूनवेची उजळूनी न्हालेली... 

सागराला जस-जशी येतसे भरती, 
लाटांवर लाटा बेभान होऊन जाती...

स्वप्नांची रंगतही सप्तरंगात बहरली, 
भर चांदण्यात अलगद प्रीत झंकारली...

🌷@तिलोत्तमा विजय लेले
🙏🕉️🔆