कविता : 🌷 " श्वेतांबरधरा "
कवयित्री : तिलोत्तमा विजय लेले

वन्दे वाञ्छित कामार्थे चन्द्रार्धकृतशेखराम्। 
सिंहारूढा चतुर्भुजा महागौरी यशस्विनीम्॥ 

नंद पर्वतावर राहणारी हिमालय-पुत्री 
सुप्रसन्न होता अमोघ-शक्तिंची-दायित्री
भक्तांचे ज्ञानानुभव, वृद्धिंगत करणारी
एकूण-अठरा-सिद्धिंची वरदायिनी देवी ...

चतुर्भुजा-त्रिनेत्रा, बुद्धिमान-सुशांत देवी 
उजव्या हाती त्रिशूल, अभय-मुद्रा दावी ...
शोभे वरदहस्त अन् डमरू डाव्या हाती ...
वृषभ असे वाहन, होई आरूढ त्यावरी ...

अन्नपूर्णेचं रूप धारण करुन वावरते ...
भक्तांची मनस्थिती स्थिर-प्रसन्न करते ...
चांगल्या-वाईटाचा ती समतोल राखते
आत्म्याला शुद्ध-पवित्र-अन्-शांत करते ...

संकटांना कसे पळवायचे, देवीचे संकेत ...
देवी महागौरीचा आवडता रंग असे श्वेत ...
श्वेत वस्त्रालंकार आणि वर्णही असे श्वेत 
म्हणून देवीस"श्वेतांबरधरा"म्हणत असावेत 

देवीचा गौरवर्ण स्वयंप्रकाशित चंद्रासमान ... 
शुभ्र-कोमल, नाजूकशी, कुंदकळ्यासमान ... 
देवी सन्मार्गावर-आणून देई-योग्य-दिशाज्ञान .... 
जीवन होतसे सुकर, लाभून तृप्तीची खाण ...

🌷@तिलोत्तमा विजय लेले
🙏🕉️🔆