🌷 रामाचा अमोघ बाण...
कवयित्री : तिलोत्तमा विजय लेले

झाडा-समान महान असती, समस्त गुरु-जन
नित्यनेमे करिती शिष्यांवरी-अमूल्य-ज्ञान-सिंचन

रणरणत्या उन्हात वृक्ष, सावली करिती शितल
लागू न देती गुरु, किंचितही भव-तापाची झळ

फळं-फुलं-पानां-मुळांचं आम्हां अमूल्य वरदान
अथक परिश्रमांने शिक्षक करीती, ज्ञानाचे दान

इवल्या-शुध्द-बीजापोटी होते सदैव वृक्षारोपण
कधी प्रेमे-कधी शिस्तीने, गुरु करिती मार्गदर्शन

हिरव्या भाज्या-वनौषधी, सुप्त सर्व पोषक-सत्वं
सद आचार-विचारांनी गुरु बिंबवती जीवन-तत्वं

पूरात झाडं-झुडपं पाणी अडवून नुकसान रोखती,
अज्ञानाचा अंधार उजळून गुरु, ज्ञान-सिंचन-करिती

निसर्ग-दत्त अनमोल-अमाप, ठेवा हाच तो संपत्तीचा
ज्ञानार्जनातूनच उदय होतो, सुखद-समृद्ध-उन्नतीचा

पृथ्वीतलावर झाडं म्हणजे, हिरव्या-सोन्याची-खाण
सुयोग्य गुरु-जन-लाभ म्हणजे रामाचा-अमोघ-बाण

🌷@तिलोत्तमा विजय लेले
🙏🕉️🔆