कविता :🌷 नक्षत्रांचे देणे गवसले...
कवयित्री : तिलोत्तमा विजय लेले

घनविहीन हे अथांग, अफाट आभाळ...
त्यात मिश्किल हसे चंद्रकला खट्याळ...
मोहरले तनमन जीव-खुळा झाला-घायाळ

स्वप्नील नगरीमध्ये जे जसे होते पाहीले...
प्रत्यक्ष समोर येता मन काठो-काठ भरले...
मन विहंगासम उंच-उंच झोके घेत राहिले...

संकोचाचे झाड न हले-डुले, उभे राहिले...
भूवर नजर खिळली पापण्यांमध्ये दडले...
पक्ष्यांनी साद घालता नेत्र अचूक भिडले...

ओठांतच अडकलेले हळवे भाव तरळले...
मनाच्या डोही तरंग नकळत उमटत गेले...
साक्षीला चंद्र, जणू नक्षत्रांचे देणे गवसले...

🌷@तिलोत्तमा विजय लेले
🙏🕉️🔆