कविता : 🌷 " होई शुभपर्व-आरंभ..."
कवयित्री : तिलोत्तमा विजय लेले

जेव्हा शुभ-आगमन होतं चैत्र- कृष्ण पंचमीचे
त्याच्या पाठोपाठ सण येती, होळी-रंगपंचमीचे...

नैसर्गिक रंगांनी युक्त असे पवित्र-पर्व-रंगपंचमी...
तेजोमय ज्योतीचा चैतन्य-उत्सव, म्हणजे होळी...

धूली-वंदनाची ही प्रथा, होलिका दहना-नंतरची...
विष्णूंनी ही सर्व प्रथम सुरू केली त्रेता-युगारंभी...

रंग-पंचमीचा सण, हेही प्रतिक विजयोत्सवाचं...
त्रेता-युगात, त्यांनी केलेेल्या तेजोमयी लीलांचं...

होळीमध्ये होतं सगळ्याच अनिष्ट-गोष्टींचं दहन ...
अन् अनिष्ट-प्रवृत्तींच्या रज-तम कणांचं विघटन...

सर्व घातक-अनिष्ट-शक्तिंचं होई समूळ उच्चाटन,
तेजोमय ज्योतीच्या तरंगांचं, होतसे स्पष्ट भ्रमण...

यथावकाश त्यांचं, ब्रह्मांडामध्येच रुपांतरण होतं...
तेच नभी सप्त-रंगांचं इंद्रधनुष्य होऊन अवतरतं...

शुभ-कार्यास पूरक-पोषक अशी वातावरण निर्मिती,
त्यासाठी सुयोग्य घटक सक्रिय होऊन कार्य करती...

होलिकोत्सव-आनंदात भर घाली, गुलालाची प्रथा...
जेव्हा आज्ञा-चक्र-स्थानाला गुलालाने स्पर्श करता,...

शिव-आणि-शक्तिचा या परिस्थितीत होतो-सहयोग,
सात्विक-तत्वांचं-रंगांचं संग्रहण करते सहज संयोग...

अशाप्रकारे आज्ञा-चक्राच्या उद्दिपीत होण्यामुळेच,
संपूर्ण देहात नव-चैतन्य निर्माण होऊन, ते संचरतं...

आज्ञा-चक्र सक्रीय, सक्षम, अन् संस्कार-क्षम बनतं...
चैतन्याचं संक्रमण व चैतन्य-तरंगांचं-ग्रहणही होतं...

शक्ति-रूपी चैतन्याचा संचार होतो संपूर्ण देहरुपात, 
मग अंतस्थ स्थित-सात्विक-तत्वंही वृध्दिंगत होतात...

प्रदक्षिणा घालून अग्नि-तत्वाचं होतं मनोभावे पूजन...
अग्नि-वंदन, नारळ, पुरण-पोळीसह-नैवेद्यही-अर्पण...

नारळाच्या माध्यमातून वायु-मंडलांचं-शुद्धि-करण...
श्रीफळ प्रदान करणार्याच्या स्पंदनांचं, होई शोषण...

अनिष्ट रूढी, घातक परिणाम करणारे सर्वच घटक,
या सर्वांचं पूर्ण दहन झाल्यावर होई शुभपर्व-आरंभ...

🌷@तिलोत्तमा विजय लेले
🙏🕉️🔆