कविता :🌷"तळहाती मेंदीचा थर ओला"
कवयित्री : तिलोत्तमा विजय लेले

तळहाती मेंदीचा थर अजुनही आहे ओला...
मनामनात नवथर प्रितीचा झुलतो गं झुला...

तळव्यावरील मेंदी हळू-हळू रंगतच चालली...
ती रंगत पाहून उमटली गं गालांवरती लाली...

झुंजुर-मुंजुर होऊ लागलं उष:काल होताना...
पहाटे-पहाटे उषा लाजूनी क्षणिक हसताना...

चांदण्या रात्रीच्या प्रहरी, चंद्रकोर गं लपताना...
चांदण्यात भिजल्या स्वप्नी मोगरा दरवळताना...

लज्जित झाली सखी शुक्रतारा करीत इशारा...
चंद्राळलेल्या प्रकाशी मंदमंद-गतीत वाहे वारा...

🌷@तिलोत्तमा विजय लेले
🙏🕉️🔆