कविता :🌷 ‘ हुरहुर ‘
कवयित्री : तिलोत्तमा विजय लेले
तारिख : शनिवार, ८ जुलै २०२३
वेळ : दुपारी २ वाजून ५३ मि.
रुणुझुणु पैंजण पायी वाजती
हृदयामध्ये निनाद होती
मधुर स्वर ते झंकारले
गं काय करु आता काही न कळे || धृ ||
बासरीची सुरेल मंजुळ बोली
समजून राधा झाली बावरी
संदेशाने लाजून लाली
हुरहुर मनीची गाली पसरे
गं काय करु आता काही न कळे || १ ||
हळुहळु सावळी सांज आली
पाखरांची किलबिल वाढू लागली
घरट्यात पिलांना भूक लागली
पंखात पिलांची ओढ खेचते
गं काय करु आता काही न कळे || २ ||
यमुना जळी प्रतिबिंब बघुनी
चंद्र नभीचा गेला लपूनी
चांदण्यांशी खेळ खेळुनी
प्रितीचा प्रकाश त्यातून झळके
गं काय करु आता काही न कळे || ३ ||
@तिलोत्तमा विजय लेले
🙏🕉️🔆
Leave a Reply