कविता - 🌷 " सुंदर असं एक नादब्रह्म "
कवयित्री - तिलोत्तमा विजय लेले
तारिख - २८ ऑक्टोबर २०१६
सुंदर असं एक नादब्रह्म...
ज्याच्या विळख्यातून कधी
बाहेर येऊच नये
असं वाटतं...
ते मनाच्या सातकप्प्यातील...
सप्तसुरांच्या तारा छेडित
झंकारत राहतं...
श्रुती-श्रुतीला हलकेच स्पर्शुन,
एक ताल-ब्रह्म
निर्माण होत जातं...
विविध सुरावटींच्या...
सुरमयी विश्वात
मानस-हंस आत्मानन्दात
डुंबत राहातो...
अलगदरित्या, स्वयंला...
त्याच्या जडत्वापासून
विभक्त करीत असतो...
ओंकाराच्या मूळ-स्वरूपाकडे...
अंतर्मन नकळत
खेचलं जात राहातं...
तो प्रणव-स्वर...
सर्व मोहांची जाळी चिरत
अंतर्मनात तरंग
निर्माण करीत राहातो...
🌷@तिलोत्तमा विजय लेले🙏🕉️🔆
Leave a Reply