कविता : 🌷 " सांज-रंग "
कवयित्री : तिलोत्तमा विजय लेले

दुपार सरता उन्हं येती मावळतीला 
पक्षांचा थवा आकाशातून विहरला...

पश्चिमेला खुळ्या अंबराने, झुकावे...
लज्जित दिशेने, सांज-रंग उधळावे...

घुंगरांच्या तालावर, गायींनी परतावे
भुकेल्या पाडसाला पाहूनी, हंबरावे...

आभाळात रंग-पंचमी, कान्हा खेळे
रजनीनाथ उगवता संगे अंबर उजळे ... 

पान्हा पाझरताच, वासराने बिलगावे
मातृत्वाचे तृप्त अश्रूं नेत्रात चमकावे...

आयुष्याच्या या तृप्त अशा संधीकाली...
मनी गही-या सांज-रंगांची, गर्दी झाली...

🌷@तिलोत्तमा विजय लेले
🙏🕉️🔆