कविता - 🌷 ' संधिकाल '
कवयित्री - तिलोत्तमा विजय लेले 
तारिख - शुक्रवार, १९ एप्रिल २०२४
वेळ - रात्री, १० वाजून ३५ मि.

दररोज सूर्य उगवताना अन् मावळतानाही
मनावर संमोहित स्थितीत तो करी जादूही 

तो देखावा कोरला जातो-कायमचा मनावर
एक सम्राट मावळणार-सिंहासन सोडणार,

नभ-सिंहासनी, चंद्र-देव विराजमान होणार  
साथीला चांदण्यांचा ताफा ते घेऊनी येणार 

मावळणारा सम्राट राज्याची, सूत्रे सोपवून
राज्य उगवत्या-सोमदेवाच्या-हवाली करुन 

राजसपणे आदित्य-देव रंग उधळत जाती
आनंदित निशाही येते, रजनी-नाथा संगती

मावळतीच्या-लाल-सोनेरी-रंगाचं मायाजाल 
हाच अपूर्व अद्भुत सोहळा म्हणजे संधिकाल 

🌷@तिलोत्तमा विजय लेले
🙏🕉️🔆