कविता - 🌷 ' शिकवण '
कवयित्री - तिलोत्तमा विजय लेले 
तारिख - ६ जून २०१७

चार दिवसांची जोडून सुट्टी मिळाली 
सहजच गंमत म्हणून भटकंती ठरली

सगळेजण पोहोचलो महाबळेश्वरला 
छान वाटत होतं थंड हवेंत फिरायला 

भटकताना अचानक गाराच पडल्या 
बघता-बघता दाही-दिशा गर्द झाल्या 

सर्व परिसर धुक्याने, काबीजच केला 
द-या-डोंगर-रस्ताही दिसेनासा झाला 

त्या-धुक्याने, एक धडाच शिकवलाय 
हे असंच कधीही, कुठेही होऊ शकतं 

जीवनाचा रस्ता अंधूक-धूसर असेल, 
त्यामुळे पुढचं काहीही दिसत नसेल,

तर दूर-वरचं पाहण्याचा प्रयत्न करणं,
हे व्यर्थ वाटणं-निराशाजनक मन होणं 

साहजिकच असताना, जर खंबीरपणे 
परिस्थितीला सामोरे जाऊन शांतपणे 

धीरानं, एक-एक छोटी पावले टाकून, 
जर पाहीलं, तर सहजच लक्षात येईल ...

जीवनात, नागमोडी-क्लिष्ट वळणांवर 
रस्ता आपोआप, सुस्पष्टच होत जाईल 

सरळ-सोट सोपीशी पाऊल-वाट दिसेल, 
जीवन-यात्रा सुखद-आनंदी होऊ शकेल !!

🌷@तिलोत्तमा विजय लेले

🙏🕉️🔆