कविता - 🌷 " विश्व-निर्माती “
कवयित्री - तिलोत्तमा विजय लेले

सुरासम्पूर्णकलशं रुधिराप्लुतमेव च।
दधाना हस्तपद्माभ्यां कूष्मांडा शुभदास्तु मे ।।

दुर्गा-देवी जेव्हा संपूर्णतः झाली तेजांकीत,
तिच्या सुहास्य-वदने, विश्व झाले निर्मित !
त्याआधी पूर्ण-जग बुडलेलं, घोर अंधारात
म्हणून ’विश्वनिर्माती-आदिशक्ति’ म्हणतात

आदिशक्तिच्या, अद्वितीय प्रखर तेजामुळं
होई-दुष्टांचा अंत-नष्ट-पापांची पाळंमुळं
कष्ट-संकटे दूर होती-संपून क्लेश समूळं
भक्तांचे संरक्षण-पुण्य-कर्म घडती सकंळं

आठ करांमुळे कूष्मांडा देवी "अष्टभुजा "
अत्यंत उष्म-सूर्य-लोकी, निवास देवीचा
सगळ्या ग्रहांना हेवा वाटे तिच्या तेजाचा
होई मान-सन्मान, दिव्य-स्वरूप-मातेचा

देवीची सुवर्ण-कांती तेजाने झळाळणारी
सु-हास्यातून बिजली-समान तळपणारी
देवीची आभा, सूर्यासम प्रकाश फेकणारी
स्वत:, अंडाकृती-ब्रह्मांड निर्माण करणारी

जर भक्तिपूर्ण-भावनेसह तिची पूजा केली
लाभेल प्रकृती-स्वास्थ्य-आयु-नाम-किर्ती
शक्तिचा-ज्ञानाचा-उगम, अज्ञानाची क्षिति
म्हणूनही-योगी "कूष्मांडा-स्वरूपा" पूजती

देवीच्या कृपेमुळे मनामधील मळभ नष्ट होते
प्रकाशमान-अंतर्मनी-निराशा पार जळून जाते
सूक्ष्म-ब्रह्मान्डात अंतर-बाह्य समतोल आणते
माणसाला जन्म-मृत्यूच्या फेऱ्यातून सोडविते ...

🌷@तिलोत्तमा विजय लेले
🙏 🕉🔆