कविता - 🌷 ' विधिलिखित '
कवयित्री - तिलोत्तमा विजय लेले 
तारिख - रविवार, २८ एप्रिल २०२४
वेळ - रात्री, ११ वाजून ३७ मि.

गुरु द्रोणाचार्यांनी नकार दिल्याने 
केवढं मोठं धाडस करुन कर्णाने 
मिळविले,  शिष्यत्व परशुरामांचे...

अत्यंत चिकाटीने-उपजत गुणांनी 
त्याने जिंकली परशुरामांची पसंती 
हां हां म्हणता पट्टशिष्याची उपाधी...

अंती कर्णाचं झालं सर्व शिक्षण पूर्ण 
गुरुंकडून त्याने घेतले सगळे शिकुन,
युद्ध-कलादी शास्त्रात झाला निपुण...

एक दिवस, गुरु परशुराम कर्णाच्या 
मांडीवर डोकं ठेवून झोपले असता,
कर्णाच्या मांडीस वन्य किडा डसला... 

त्यामुळे मांडी रक्तबंबाळ झाली होती 
गुरुंचा निद्रानाश न व्हावा याचसाठी 
सहनशील कर्णाने हूंकींचू केलं नाही...

त्याने गुरुंची झोपमोड होऊ न दिली,
जाग येताच शाप दिला परशुरामांनी ...
विद्वान गुरुंनी त्याची परिक्षा घेतलेली 

वास्तविकत: तो "कौंतेय" असल्याचं,
त्यांना आधीपासून पक्कं माहित होतं...
जणू शाप हे त्याचं, विधिलिखित होतं...

🌷@तिलोत्तमा विजय लेले