कविता - 🌷 ' विटंबना ‘
कवयित्री - तिलोत्तमा विजय लेले
तारिख - बुधवार, ५ जानेवारी २०२२
वेळ - रात्री १ वाजून २१ मिनिटे
युगानुयुगे बदलली, काळही बदलला ...
स्थळ-काळ बदलले, स्थिती बदलली ...
विचार बदलले, व्यक्तिमत्त्वंही बदलली ...
पण, स्त्रियांची मानहानी नाही थांबली !
स्त्री मग ती असो रूपवती पांचाली वा,
अग्नि-दिव्य पार करणारी, जानकी वा ...
शूर कुमारी माता-धाडसी शकुंतला वा ...
सत्व परिक्षा देणारी, शापीत अहिल्या !
असो नोकरी करणारी स्त्री अथवा माता ...
पत्नी, भगिनी, गृहिणी वा कोणी पतिता !
असो ती गरीब, श्रीमंत वा सामान्य जनता,
शोषण करत्या दुर्योधनांची नसे कमतरता !
🌷@तिलोत्तमा विजय लेले🙏🕉️🔆
Leave a Reply