कविता – 🌷 ” या लोभस वळणावर “
कवयित्री – तिलोत्तमा विजय लेले
तारिख – गुरूवार, ४ मे २०१७
मन तुडुंब भरलं काठोकाठ …
बहुधा हीच ती पाऊल-वाट …
जणू स्वर्गातील ही सोन-पहाट …
आकंठ आनंद वाहतोय अफाट …
काहीबाही विचार नाही,
चिंतेचाही लवलेश नाही …
निर्विचार, शांत अशा मनी,
कसलाही, कल्लोळ नाही …
सर्वत्र निरव अशी शांतता,
अंतर-बाह्य एक समानता
सुरेख, निळं-निळं आभाळ,
जणू खुणावणारं मोहजाळ …
आयुष्याच्या या लोभस वळणावर,
खुळं मन भान विसरुन सुखावणार …
🌷@तिलोत्तमा विजय लेले
🙏🕉🔆
Leave a Reply